Është koha e miqësoreve verore, dhe për të servirur momente sa më interesante publikut, kanë menduar lojtarët e ekipit Kariobangi Sharks.
Në një ndeshje ndaj ekipit anglez të Evertonit javën e kaluar, klubi kenian, e mbylli ndeshjen me shifrat e barabarta 1-1, dhe për të caktuar një fitues, u shkua drejt goditjes së 11-metërsave.
Por, lojtarët kenianë u bënë viralë në rrjetet sociale, për mënyrën se si festonin penalltitë e shënuara. Dikush si i dëmtuar, apo dikush sikur po luante golf, i çuditën të gjithë me mënyrat e tyre të festimit. Lojtari i parë i ekipit kenian e humbi penalltinë, ndërkohë që të gjithë të tjerët shënuan dhe festuan në mënyra të çuditshme. Në fund, ishte ekipi i Kariobangit që fitoi 4-3 me penallti.
Për më tepër, ju ftojmë të ndiqni videon e mëposhtme, ku festimet e çuditshme fillojnë pas minutës 2:30 të videos:
