Ka nisur me një disfatë aventura e Mërgim Mavraj me skuadrën e Grojther Fyrth në Bundesligën e 2 gjermane. Mbrojtësi i Kombëtares ishte titullar për 90 minuta, teksa në javën e parë të kampionatit skuadra e tij u mposht në shtëpi me rezultatin 0-2 nga Aue.
Edhe pse pësoi një dëmtim në shpatull para pak kohëve, 33-vjeçari ia doli të ishte rregullisht në fushë por pa mundur të shmangë rezultatin negativ. Megjithatë, kjo ishte vetëm ndeshja e parë e kampionatit, ndërsa për Mavraj ky ishte një rikthim te skuadra e Grojther Fyrth.
Mbrojtësi në sezonin e kaluar ishte pjesë e Ingolshtadit, ndërsa pasi këta të fundit zbritën një kategori më poshtë, Mavraj zgjodhi të rikthehej te Fyrthi. Lojtari ka qenë pjesë e kësaj skuadre më parë për 3 sezone, gjatë vitit 2011-2014.
