Mbrojtësi i Manchester United, Eric Bailly do të jetë jashtë fushave për katër deri në pesë muaj pasi mori një dëmtim të rëndë në duelin miqësore kundër Tottenhamit.
Trajneri i United, Ole Gunnar Solskjaer pas fitores 1-0 në miqësore ndaj Kristiansund tha se Bailly i është nënshtruar një operacionit në gju.
“Eric ka bërë një operacion dhe do të jetë jashtë fushave për katër deri në pesë muaj”, tha Solskjaer.
“Shpresojmë se do ta kemi përsëri rreth kohës së Krishtlindjes.
“Ishte një lajm pozitiv nga kirurgu, ai e bëri operacionin këtë mëngjes. Ishte pozitiv se ishte rregulluar gjithçka dhe se do të jetë mirë”, theksoi norvegjezi.