Dashamir Xhika nuk do të jetë më një lojtar i Partizanit.
Gardiani 30-vjeçar ka ndërprerë bashkëpunimin me të kuqtë pas 5 viteve si pjesë e ekipit.
Palët e kanë rënë dakord për të ndërprerë kontratën dhe kështu Xhika do të kërkojë një skuadër tjetër për të vazhduar karrierën e vet.
Njoftimi i klubit:
“Klubi i Futbollit Partizani 16-të herë kampion i Shqipërisë, falenderon portierin Dashamir Xhika, për kontributin e dhënë me fanelën e kuqe. Gardiani 30 vjeçar përgjatë 5 viteve ishte pjesë e ekipit, me të cilin sezonin e fundit u shpall edhe kampion i vendit. Klubi informon se portieri dhe drejtuesit kanë vendosur të ndërpresin bashkëpunimin mes tyre. Klubi dëshiron të falënderoj Dashamir Xhikën për kontributin që ka dhënë ndër vite me fanelën e kuqe dhe i uron njëkohësisht suksese të mëtejshme në karrierën e tij sportive”.
/PANORAMASPORT.AL/
