“Te Roma jam mirë dhe do të firmosja përjetësisht”. Radja Nainggolan rikthehet të flasë për të ardhmen e tij dhe për marrëdhëniet me klubin e Romës. Në një intervistë për “Sky Sport”, mesfushori është shprehur në lidhje me vendimin për të firmosur një kontratë të re në verë, që do ta lidhte atë me kryeqytetin italian për më gjatë.
“Këtu te Roma jam shumë mirë, nuk shoh asnjë motiv se pse do të duhej të largohem. Jetoj mirë, jam i lumtur, kam bërë atë që duhej të bëja. Në këto raste, as të gjitha paratë e botës nuk mund të bëjnë të ndryshoj mendje. Mund të firmos përjetësisht për Romën, edhe pse kam refuzuar shumë skuadra. Përveçse nëse klubi një ditë vendos të më përzërë. Në këtë moment jam i lumtur këtu dhe e rëndësishme për mua është të jem i lumtur”, deklaroi Nainggolan.
