Negociatat midis klubit të Juventus dhe atij të Manchester Cityt, për shkëmbimin midis Cancelos dhe Danilos duket se ishin sfumuar.
Mirëpo drejtori sportiv i Juventus, Fabio Paratici ka zbarkuar përsëri në Angli për të rihapur tratativat.
Dhe sipas asaj që raporton “La Gazzeta dello Sport”, negociata kanë bërë hapa përpara.
Klubi anglez ka rënë dakord që të ngrejë ofertën për lojtarin portugez .
Oferta e parë ishte 30 milion euro + shërbimet e Danilos, ndërsa tani është bërë 35 milion euro + shërbimet e Danilos.
Kjo gjë i ka pëlqyer drejtuesve juventin, që menjëherë kanë dërguar në Angli menaxherin e tyre Paratici për të përmbyllur gjithçka.
