Kevin Strotman u largua edicionin e kaluar nga Roma për ta vazhduar karrierën në Francë, por vetëm pas një sezoni holandezi mund ta rigjejë vetën duke luajtur në Serinë A.
Megjithëse ka një kontratë 4-vjeçare me Olimpikun e Marsejës, 29- vjeçari mësohet t’i jetë vetofruar Romës, por kryeqytetasit e kanë refuzuar rikthimin e tij. Me dëshirën e lojtarit për Italinë, menaxheri ka kontaktuar disa klube dhe mes tyre spikat Interi.
Zikaltrit kanë pëlqimin e Kontes për këtë prurje në mesin e fushës, nga ku vetëm dy ditë më parë u largua Raxha Naingolan. Sipas “La Gazzetta dello Sport”, drejtuesit e Interit e kanë marrë seriozisht në konsideratë këtë operacion duke menduar edhe për një ofertë në drejtim të Marsejës.
Presidenti Zhang mund të firmosë një çek prej 18 milionë eurosh vetëm për të sjellë Strotmanin te klubi i tij dhe për t’ia dalë mbanë, Marota ka kohë deri në fund të muajit kur të përfundojë edhe afati i transferimeve për klubet franceze.
