Shënon, kërcen dhe lëshon klithmën SIUUU. Tashmë të gjithë e dinë që ky është festimi tipik i Kristiano Ronaldos dhe është përhapur me shpejtësi në të gjithë botën prej shumë vitesh. Po si lindi ky festim i veçantë i sulmuesit portugez?
Vetë futbollisti e ka treguar në një intervistë për “soçer.com”, duke zbuluar se ishte pikërisht një ndeshje miqësore në SHBA në vitin 2013 aty ku kishte filluar gjithçka.
“Festimi im lindi në mënyrë natyrale. Ishim në SHBA me Realin, luanim kundër Çelsit. Unë shënova, bëra një kërcim dhe pastaj lëshova atë thirrjen siuuu. Tifozëve u pëlqeu shumë, aq sa kur i takoja më thërrisnin ‘Kristiano siuuu” dhe përsëritnin atë thirrje. Ndaj vendosa që ta vazhdoja”, shpjegoi futbollistit atë moment.
Futbollisti pranoi më pas se nuk e dinte se kush ishte goli i tij më i bukur. “Kam shënuar rreth 700 gola, e vështirë të zgjedh një”, tha ai duke qeshur.