Mançester Junajtid nuk është bindur nga Milinkoviç-Saviç. Djajtë e Kuq kërkojnë një mesfushor, teksa 2 ditë para mbylljes së merkatos në Angli, nuk kërkojnë të mbeten të surprizuar nga një lamtumirë e Pogba. Kështu, serbi i Lacios është larguar nga radarët, të cilët tashmë janë fiksuar pas mesfushorit të Totenhemit, Kristian Eriksen.
Nuk është hera e parë që klubi nga Mançesteri interesohet për danezin, megjithatë në këto momente duket se tratativat po ecin me ritme të larta. Ndërkohë, nga ana tjetër edhe klubi i Totenhemit nuk e ka luksin për të vështirësuar negociatat, teksa 27-vjeçari është në sezonin e fundit të kontratës dhe nëse nuk largohet këtë merkato, atëherë verën e ardhshme londinezët mund ta humbasin me parametra zero xhevahirin e tyre.
Në këtë formë, 50-60 milionë paund që ofron Junajtid, në këtë rast mund të jenë të mjaftueshme që të dyja palët të shtrëngojnë duart dhe të bien dakord.