Kur na ndajnë edhe 3 ditë nga fundi i merkatos, vazhdon “telenovela” Neymar.
Media të ndryshme herë pas here bëjnë raportime kontradiktore, fillimisht u përfol për arritjen e marrëveshjes mes Barcelonës dhe PSG-së, por së fundmi e përditshmja “Mundo Deportivo” ka shtangur të gjithë tifozët katalanas.
“Barça nuk i pranon kërkesat e klubit francez dhe nënshkrimi duket se pothuajse i përjashtuar”, shkruan “MD”.
Thuhet se katalanasit janë tërhequr përfundimisht nga nënshkrimi me Neymarin pasi PSG-ja nuk heq dorë duke kërkuar 222 milionë euro për shitjen e kartonit të 27-vjeçarit.
Kërkesë kjo që nuk plotësohet nga katalanasit, ndërsa negociatat pothuajse janë “ngrirë”.
