Theo Hernandez është në prag të rikthimit në fushën e lojës, pas dëmtimit që ai pësoi në ndeshjen miqësore kundër Bajern Mynihut.
Mbrojtësi ka dhënë një intervistë për kanalin zyrtar të Milanit, ku është shprehur: “Rikuperimi vazhdon me ngadalë por pozitivisht. Me të vërtetë dua shumë të kthehem të luaj. Jam shumë i lumtur që jam këtu, jam shumë i kënaqur me shokët e mi të skuadrës, stafin dhe të gjithë. Kisha pak fat të keq me këtë dëmtim të pësuar, por këto janë gjëra që ndodhin në futboll. Kam marrëdhënie të mira me të gjithë shokët e skuadrës edhe pse italishtja ime nuk është e shkëlqyer.”, theksoi francezi.
21-vjeçari foli gjithashtu për objektivin dhe trajnerin e ri, teksa u shpreh: “Objektivi ynë është të kualifikohemi në Ligën e Kampionëve, dhe pastaj të synojmë edhe për më shumë. Ne jemi një ekip i shkëlqyer, një skuadër e plotë dhe me mbështetjen e tifozëve tanë ne mund ta arrijmë objektivin tonë. Unë argëtohem shumë në skuadër me Kastijehon. Xhampaolo? Nuk e kam njohur më parë, por ai me të vërtetë është një trajner shumë i mirë. Në stërvitje ai është shumë agresiv.”, përfundoi Teo Hernandez.
