Libri i Michael Owen “Reboot” po publikohet pjesë-pjesë nga “Mirror”. E çdo pjesë e saja po tërheq shumë vëmendjen e publikut.
Së fundmi në pjesën që është publikuar, 39 vjeçari ka folur për marrëdhënien me David Beckham.
Të dy kanë qenë pjesë Kombëtares së Anglisë, ndërsa kanë kaluar kohë së bashku edhe te Real Madrid. Megjithatë, Owen tregon se asnjëherë nuk është ndjerë si një nga njerëzit e afërt të Beckham, ndoshta edhe për shkak të stileve të ndryshëm të jetesës.
“ Mua nuk më pëlqente të shkoja në sfilita mode, dhe as të ulesha në tavolina me persona të lartë të shoqërisë. Por, David dhe Victoria ishin superyje dhe kishin një mënyrë jetese komplet ndryshe nga i imi. Asnjëherë nuk kisha përshtypjen se bëja pjesë në rrethin e miqve të ngushtë të Beckham”, zbuloi Owen.
