Gjermania pas Kupës së Botës 2018 po i nënshtrohet një plani rinovimi nga trajneri Joachim Low, teksa nga Kombëtarja janë larguar emra si Muller, Boateng apo Hummels.
Në këtë listë, duke parë edhe numrin në kartën e identitetit mund të ishte përfshirë edhe Manuel Neuer.
Megjithatë, “gardiani” mbetet pjesë e rëndësishme e pancerave. Ndërkaq, i pyetur për pjesën e tërheqjes nga Gjermania, portieri i Bayern Munchen u shpreh se do ta mendojë vetëm kur të mos të ndjehet i domosdoshëm.
Kur nuk je më i domosdoshëm e kupton, dhe pastaj është e vështirë të gjesh motivim çdo ditë. Sot për sot e ndjej veten si të domosdoshëm këtu në Kombëtare dhe të gjithë janë të lumtur me mua. Është e qartë se për këtë duhet të përgjigjem në fushë me performanca”, u shpreh Neuer.
