Gjesti i Leonardo Bonuçit në takimin që Italia zhvilloi ndaj Armenisë, shkaktoi një valë të madhe komentesh.
Mbrojtësi simuloi sikur lojtar armen, Karapetian, e goditi me bërryl, dhe ky gjest I Bonuçit I shkaktoi daljen me të kuq kundërshtarit të tij. Vetëm Karapetian, e quajti diçka të turpshme atë që kishte bërë mbrojtësi I Juves.
Por, ditën e djeshme për mikrofonët e “Rai Sport”, Bonuçi dha edhe komentin e tij mbi këtë veprim: “Më vjen keq që ai doli me karton të kuq për atë rast. Nuk e dija që mund të dilte me të kuq. Unë në fakt, kam një dëmtim në vetull, me dy të qepura. Kërceva bashkë me të, dhe në atë moment gjesti im ishte për t’u mbrojtur nga dëmtimi që kisha pranë syrit”.
