Kapiteni i Kombëtares në ndeshjen e sotme, shënoi edhe një gol, ndërsa në intervistën për “Supersport” tregoi se nuk po i besohej që kishte shënuar.
Çfarë ndryshoi sot?
Loja që bëmë ishte krejt ndryshe nga Franca. E dimë që kemi potencial, kishim besim për të treguar vlerat.
Zëvendësimi…
E kërkova vetë, sepse kisha një problem në pulpë. Nuk mund të vazhdoja, dhe duhej dikush më i freskët në fushë.
Ndjesia e golit…
Akoma nuk e besoj që kam bërë gol. Duhet të marr veten dhe do e shoh më vonë golin. Gëzimin që pata në atë moment, nuk e besoja. Jam shumë i kënaqur për golin e për fitoren. Të vazhdojmë me kokën lart.
