Në 2 ndeshje ka shënuar 3 gola. Ish-futbollisti i Kukësit, Valdet Rama, është duke kaluar një formë të shkëlqyer në Ligën e tretë gjermane me skuadrën e Mepen.
Pas debutimit me gol ndaj CZ Jenës, 31-vjeçari realizoi dopietë në sfidën e sotme ndaj Kaiserslauternit.
Rama hapi serinë e golave në minutën e 3-të, teksa u tregua i saktë nga pika e bardhë e penalltisë.
Miqtë barazuan shifrat në minutën e 11-të, ndërkohë që Mepen realizoi edhe 2 gola të tjerë duke e mbyllur pjesën e parë me avantazhin 3-1.
Ndërkohë në pjesën e dytë shqiptari nuk u mjaftua me një gol, teksa realizoi të dytin personal në minutën e 66-të.
Mepeni e mbylli sfidën me triumfin e thellë 6-1.
