Blaise Matuidi mund të mungojë deri në një muaj, pas lëndimit që pësoi në ndeshjen e djeshme ndaj Sasuolos.
Fitorja prej 7:0 ndaj Sassuolos kishte një koste për Juventusin, skuadër e cila për shkak të lëndimit humbi mesfushorin Blaise Matuidi.
Francezi u largua para kohe nga ndeshja, ndërsa testet e para nuk japin sinjale të mira.
Sipas Corriere della Sera, Matuidi pritet të mungojë rreth një muaji, duke humbur kështu disa ndeshje shumë të rëndësishme.
Ndër to do të jetë edhe ndeshja e parë ndaj Tottenhamit në Ligën e Kampionëve dhe ato ndaj Torinos, Atalantas dhe Lazios.
