Real Madrid, Barcelona, Valencia dhe Atletico do të luftojnë për Superkupën e Spanjës në janar të vitit 2020.
Federata e Futbollit të Spanjës ka konfirmuar se të hënën, në ora 16:00, do të hidhet shorti i gjysmëfinaleve të Superkupës së Spanjës.
Real Madrid, Barcelona, Atletico Madrid dhe Valencia janë katër skuadrat që do të mësojnë kundërshtarët me 10 nëntor.
Nga ky sezon, Superkupa e Spanjës luhet me një format të ri, katër ekipe – finalisti i Kupës së Mbretit dhe tre skuadrat e para në renditje të La Ligës.
Gjysmëfinalet do të luhen me 8 janar dhe 9 janar të vitit 2020, derisa finalja me 12 janar.
