Gjesti i Cristiano Ronaldo-s para dy javësh me Juventusin vijon ende të prodhojë polemika në Itali. Së fundmi ka qenë një legjendë e Juventusit, Del Piero, i cili ka kritikuar portugezin duke thënë:
“Të ikësh nga stadiumi para se të mbyllet ndeshja, nuk është një veprim i bukur për një lojtar si Ronaldo. Megjithatë, ajo që ka më shumë rëndësi është sjellja e tij në përditshmëri. Kristiano është një profesionist i madh dhe ndaj shokët ekipit e duan. Starti i sezonit, nuk ka qenë i mirë, por diferencën ai mund ta bëjë një shkurt.”
Ronaldo nuk u grumbullua nga Juventusi në ndeshjen e fundit në kampionat kundër Atalantës, me pretendimin se ishte i dëmtuar.
