Kukësi nuk ka shkuar më shumë se barazimi 1-1 ndaj Skënderbeut në sfidën e vlefshme për javën e 17-të të Kategorisë Superiore. Një përballje tepër e luftuar, ku nuk munguan rastet e shumta të shënimit si dhe kartonët e kuq.
Korçarët e Ilir Dajës kaluan të parët në avantazh me anë të kapitenit Bruno Dita, i cili realizoi në minutën e 32-të me kokë, ndërkohë që kryesuesit e kampionatit barazuan shifrat në minutën e 58-të, me anë të mesfushorit Rroca.
Skënderbeu u detyrua të luante gati 30 minuta me 1 lojtar më pak, për shkak të daljes me karton të kuq të mesfushorit Asion Daja. Me barazimin e sotëm, Kukësi kryeson kampionatin me 31 pikë, duke u shpallur kampion dimri, ndërkohë që korçarët janë ngjitur në kuotën e 21 pikë, duke mbajtur vendin e 8-të.
