Zlatan Ibrahimoviç është kthyer në armikun nr.1 të qytetit suedez Malmo.
Së fundmi, një grup huliganësh i kanë hequr hundën statujës së 38-vjeçarit në Malmo. Arsyeja e këtij vandalizmi lidhet me një deklaratë të ish-kapitenit të Suedisë për të ndihmuar ekipin e Hamarbisë për t’u bërë skuadra më e fortë në Gadishullin Skandinav. Hambarbi janë kundërshtarët e urryer të Malmos. Madje, Ibra realizoi një foto me fanelën e Hamarbisë.
Sjellja ndaj skuadrës me të cilën nisi karrierën Malmo i ka revoltuar pa masë tifozët e këtij klubi duke dërguar një peticion bashkisë së qytetit suedez për të hequr statujën e Ibrahimoviçit. Deri tani është firmosur një peticion nga mbi 8 mijë qytetarë.
Ndërkohë, nuk është hera e parë që është vandalizuar statuja e yllit suedez të futbollit. Disa kohë më parë, një grup huliganësh tentuan ta digjnin statujën e Ibrës, ndërsa shkruan poshtë tij tekste raciste.
Pasi mbylli kapitullin në SHBA me Los Anxhelos Galaksi, përflitet se ish-futbollisti i Interit, Barcelonës, PSG-së, etj., mund të kthehet të luajë sërish në Europë. Milan, Napoli dhe Evertoni kanë shprehur dëshirën për të firmosur me njërin prej sulmuesve më të mirë në historinë e futbollit.
