Prej 2013-ës, kur vendosi të tërhiqet nga stoli i Junajtid pas gati tri dekadash për t’iu përkushtuar familjes, Sër Aleks Ferguson po vuan kur shikon gjendjen në të cilën është katandisur Mançesteri i tij.
Mojes, Van Gal, Murinjo, Solskjaer nuk i kanë dhuruar legjendës skoceze emocione pozitive nga tribuna. “The Sun” zbulon se 78-vjeçari, i cili nuk mungon në shkallët e stadiumit në ndeshjet e “Djajve”, e ka përjetuar shumë keq humbjen e fundit të ekipit të tij në derbin me Sitin.
Një burim i klubit tregon se në pushim të pjesës së parë në “Old Trafford” (0-3) mbrëmjen e së martës, gjatë gjysmëfinales së Kupës së Ligës, ai ishte aq i zemëruar sa shkoi në zyrën e tij dhe piu verë i vetëm.
