Humbja ndaj Conor McGregor me “KO teknik” pas 40 sekonash në eventin UFC-246, zhvilluar më 18 janar në Las Vegas, ka lënë pasoja te “kaubojsi” amerikan Donald Cerrone.
Mediat amerikane bëjnë me dije se mjekët kanë urdhëruar që 36-vjeçari të qëndrojë të paktën 6 muaj pushim, pas kontrollit të detyrueshëm mjekësor që u bë pas duelit. Ai ka pësuar disa dëmtime në fytyrë, duke thyer hundën dhe dëmtuar pjesë të tjera të kafkës.
Për pasojë, Cerrone nuk do të duelojë deri më 17 korrik dhe do të evitojë çdo kontakt për të paktën një muaj (18 shkurt).
Cerrone, një nga veteranët e arteve marciale mikse, numëron 36 fitore, 14 humbje e 1 duel pa rezultat. Në eventin UFC-246 ai kishte të garantuara 2 milionë dollarë.
