Rezultat surprizues në kampionatin gjerman, ku Paderborni i Jurgen Gjasulës ka thyer Fraiburgun e Abrashit me rezultatin 0-2 dhe ka nisur të besojë realisht te mbijetesa në elitën e Gjermanisë. Në fushën e lojës ishin edhe dy mesfushorët e Kombëtares shqiptare.
Gjasula fitoi derbin kuqezi me Abrashin. Kjo ishte një fitore shumë e rëndësishme për Paderbornin, i cili ka lënë vendin e fundit të tabelës.
Kartonët – Klaus Gjasula, mesfushori i Kombëtares, ka marrë kartonin e 10-të të verdhë në 18 ndeshje në Bundesligë dhe kështu ka vendosur një rekord.
Sipas të dhënave statistikore të “Opta”-s, mesfushori shqiptar është i dyti lojtar në historinë e Bundesligës që ka marrë 10 kartonë të verdhë në 18 ndeshje, shumë pas ish-lojtarit të Uerdigenit, Helmut Rahner.
Në minutën e 14-të të ndeshjes së djeshme të Paderbornit me Fraiburgun, ai është ndëshkuar me karton të verdhë dhe do ta humbasë ndeshjen e javës së ardhshme me Volfsburgun.
