Pas ardhjes së Ibrahimovic, situata e Krzysztof Piątek te Milani është vështirësuar jo pak, pasi polaku ka përfunduar në stol. Kjo situate nuk është pëlqyer aspak nga sulmuesi, i cili pavarësisht dëshirës për të qëndruar te kuqezinjtë, kërkon të aktivizohet rregullisht për të mos humbur grumbullimin me kombëtaren e tij për Euro 2020.
Ofertat për futbollistin nuk mungojnë me Tottenham që ka rinisur edhe njëherë tratativat me kuqezinjtë për kartonin e 24-vjeçarit. Kërkesat e klubit nga Milanello janë të qarta, polaku do të largohet nga skuadra vetëm nëse vjen një ofertë që kap shifrën e 30 milionë Eurove në të kundërt lojtari nuk lëviz nga Milano.
