Erling Haaland e vazhdoi fillimin e jashtëzakonshëm të jetës në Borussia Dortmund të shtunë në, duke i shënuar dy gola në fitoren e skuadrës së vet 5:0 ndaj Union Berlin.
Ky dygolësh nënkupton se ai është bërë lojtari i parë në histori të Bundesligës që i shënon shtatë gola në tri ndeshjet e tij të para në këtë garë.
Çfarë është edhe më e jashtëzakonshme, është fakti se secila nga shtatë goditjet e ish-sulmuesit të Red Bull Salzburg në drejtim të portës, përfunduan në rrjetën e portës.
19-vjeçari realizoi het-trik në debutimin e tij për Dortmundin kundër Augsburut më 18 janar, pasi ishte futur në lojë në minutën e 56-të, pas transferimit nga Salzburgu.
Ai i shënoi dy gola të tjera në fitoren e Dortmundit 5:1 kundër Cologne më 24 janar, pasi ishte futur në lojë 25 minuta para fundit.
Kundër Union Berlinit, Haaland ishte titullar për herë të parë, duke shënuar në të dy pjesët e lojës. Ai e fitoi edhe një penallti, nga e cila shënoi Marco Reus.
