Den Fridkin do të finalizojë blerjen e Romës. Biznesmeni amerikan do të udhëtojë drejt Italisë nga Hjustoni për ta mbyllur akordin me Xhejms Palotën, por me sa duket, kryeqytetasit nuk kanë qenë zgjedhja e tij e parë.
Fridkin, para se të përshpejtonte blerjen e klubit verdhekuq, tentoi të blinte Milanin për një shumë rekord. Sipas asaj që raportoi “Milano Finanza”, manjati ka tentuar në javët e fundit një sulm ekstrem për të blerë shumicën e aksioneve të Milanit.
Mësohet se ai ka qenë gati të investojë 1 miliard euro, por oferta e tij është cilësuar e ulët nga “Elliot” që pretendon të arkëtojë të paktën 1.2 miliardë euro nga shitja e klubit milanez.
