Jo vetëm Lautaro Martinez në shënjestrën e Mançester Sitit. Në Angli po hidhen zëra për idenë e “Qytetarëve” për t’i propozuar Interit një shkëmbim mes Zhoao Kanselos dhe sulmuesit argjentinas.
Gjithnjë nga informacionet që vijnë nga ishulli, zbulohen detaje të tjera të manovrave që po mendojnë kampionët e Anglisë, të cilët i kanë vënë syrin edhe Milan Shkriniarit për të cilin pak kohë më parë ofruan 63 milionë euro, por Interi refuzoi.
Mbrojtësi sllovak ka rinovuar vetëm një vit më parë me zikaltrit, por Pep Guardiola është gati të propozojë një shkëmbim kokë më kokë me mbrojtësin e tij portugez, i cili nuk u bë kurrë protagonist në “Etihad”.
