Probleme për Marcelo. Anësori i Real Madridit, sipas informacioneve nga mediat spanjolle, duke përfshirë “El Mundo”, është paditur në gjykatë. Policia e ka ndalur atë duke drejtuar me shpejtësi makinën Audi, pa pasur pikë në patentën (licencën e tij). Ky fakt daton më 19 dhjetor të vitit të kaluar.
Marcelo është pikasur në orën 11 të ditës në autostradën M-12 me shpejtësi nga 120 deri në 134 km në orë. Në atë moment, braziliani nuk kishte pikë në licencën e tij dhe për këtë arsye u denoncua në gjykatë. Mësohet se futbollisti është justifikuar duke thënë se nuk ishte në dijeni të mospasjes së asnjë pike në patentë (nga penalizimet e mëparshme për shkeljet rrugore).
🔴 Marcelo, imputado por conducir sin puntos superando los límites de velocidad, según 'El Mundo'. pic.twitter.com/WD2sKkIPwb
— El Chiringuito TV (@elchiringuitotv) February 24, 2020