Barcelona zyrtarizoi disa ditë më parë blerjen e Martin Braithwaite nga Leganes për shumën e 18 milionë eurove. Danezi erdhi në Katalonjë jashtë merkatos, me Ligën spanjolle që pranoi kërkesën e Barçës, për shkak të dëmtimit të pësuar nga Dembele, i cili e ka mbyllur sezonin.
Të shumta kanë qenë pyetjet nëse Braithwaite mund të aktivizohet në Champions League apo jo dhe përgjigja është që sulmuesi nuk mund të jetë pjesë e Champions këtë sezon. Kjo për arsyen e thjeshtë sepse afati i fundit për të përfshirë lojtarë të rinj në listën e UEFA Champions League është 1 shkurti.
Përtej kësaj date, UEFA nuk bën asnjë përjashtim, kështu që danezi nuk mund të shijojë magjinë e një kompeticioni si Champions League, por mund të luajë vetëm në La Liga.
