Barcelona po përjeton sezonin e pestë radhazi pa trofe në Europë, ku nuk shijon një finale dhe një Champions të fituar që nga sezoni 2014/15, kur edhe triumfoi me Juventusin në finale 3-1. Në atë vit te katalansit luante tridhëmbëshi Messi-Suarez-Neymar.
Pikërisht ky i fundit është pjesë e PSG-së që nga viti 2017 dhe që nga ajo kohë, spekulimet për një rikthim në Katalonjë nuk kanë munguar. Dështimet e njëpasnjëshme vit pas viti për Barcelonën duket se e kanë mbushur kupën dhe drejtuesit e kanë humbur durimin, prandaj do të hidhen vrullshëm në merkato këtë verë.
Sipas asaj që ka zbuluar prestigjiozja “Sport”, objektivi kryesor i kësaj vere për Barçën është rikthimi i Neymar Junior në “Camp Nou”. Edhe pse nuk do të jetë aspak e lehtë për të bindur PSG-në, blaugranat do të provojnë me çdo kusht rikthimin e ish-yllit të tyre.
