Hipoteza e shkurtimit të rrogave të futbollistëve të Serisë A me 20 ose 30% duket se do të kthehet në realitet. Kjo është një masë e domosdoshme në mënyrë që klubet të përballojnë emergjencën ekonimike të shkaktuar nga Coronavirus.
Sipas Corriere dello Sport, propozimi mund të vihet në praktikë shumë shpejt. Edhe Damiano Tommasi, përfaqësuesi i lojtarëve është shprehur i hapur para mundësisë.
Mes lojtarëve që do të humbnin më shumë është Cristiano Ronaldo. Ylli portugez i Juventus-it, në fakt, mund të preket ndjeshëm nga shkurtimi.
CR7, që fiton 31 milionë euro në vit, mund të pësojë një humbje prej 9 milionë eurosh. Sakrifica, në një situatë të tillë, do të ishte e pashmangshme për të kaluar krizën.