Milan Skriniar nuk i duket i njëjtë me atë të sezonit të kaluar, kur mbrojtësi ishte kthye në një shtyllë për skuadrën.
Sllovaku nën drejtimin e Spaletit ishte i pakalueshëm, por nuk ka treguar të njëjtën formë nën drejtimin e Kontes. Madje 25-vjeçari ka bërë edhe disa gabime këtë sezon që i kanë kushtuar Interit, si në ndeshjen me Juventusin apo Fiorentinën.
Megjithatë drejtuesit zikaltër vazhdojnë të besojnë te mbrojtësi dhe e vlerësojnë atë rreth 70 ose 80 milionë euro. Vetëm nëse vjen një ofertë e tillë, atëherë drejtuesit italian mund të pranonin ta largonin lojtarin.
