Lautaro Martinez dhe Interi, një histori dashurie që do të vazhdojë edhe për shumë vite apo do të ndërpritet te më e bukura, pikërisht tani që tifozeria zikaltër është e çmendur pas “demit”?
Dyshime, shumë dyshime! Në një anë Barcelona dhe ftesa e Lionel Messit, gjashtë herë fituesit të “Topit të Artë”, ndërsa në tjetrën projekti i Interit për t’u rritur akoma më shumë dhe investuar.
Mario Jose Martinez, babai i Lautaros, i intervistuar për “Marca” përpiqet të bëjë diplomatikun: “Mendoj se ka arritur elitën falë mendjes së tij pozitive. Që kur ishte fëmi kishte objektiva të qartë në mendje, kishte ëndrrën për të luajtur në majën e futbollit”.
“Duke ecur gjithmonë hap pas hapi, shumë shpejt, mund të realizojë ëndrrat e tij. Sigurisht, duke ditur se baza janë impenjimi, respekti the thjeshtësia”.
