Inter ka bërë më shumë hap përpara se Juventus në garën për Sandro Tonali-n, mesfushori i ri i Brescia-s.
Një lojtar që drejtuesit zikaltër, me Steven Zhang dhe Beppe Marotta në krye, e duan me çdo kusht.
Kjo sepse Tonali është profili perfekt për filozofinë e klubit për blerjet e reja: të rinj, të fortë dhe mundësisht italianë.
Siç shkruan Gazzetta dello Sport, Inter ka akumuluar një avantazh të vogël në garën për Tonali-n falë shitjes së Icardi-t. Dhe tani kërkon të përshpejtojë operacionin dhe të sigurojë talentin e Brescia-s.
Me Tonali-n, Sensi-n dhe Barella-n zikaltrit do të kishin një mesfushë ëndrrash të re, të fortë dhe shumë italiane.
