Shtohen rastet e personave pozitivë me Covid-19 në tenis, të gjithë pjesëmarrës në turneun e “Adria Summer Tour”, turne i organizuar nga numri 1 në botë, Novak Djokovic. Listës së 4 tenistëve tashmë të infektuar (Dimitrov, Coric, Troicki e Djokovic) i është shtuar edhe një ikonë e tenisit botëror si Goran Ivanisevic.
Ivanisevic është trajneri i tenistit serb dhe duket se ka qenë e paevitueshme që ai të mos e kishte marrë virusin. “Pas dy testeve të zhvilluara 10 ditët e fundit, ku dola negativ, për fat të keq mësova se jam infektuar edhe unë. Ndihem mirë dhe nuk kam asnjë simptomë, por dua të njoftoj ata që kanë qenë me mua të kujdesen”, tha Ivanosevic
Kroati, ish-numri 2 në botë tashmë është karantinuar. Mediat serbe bëjnë me dije se pozitiv me Covid-19 kanë dalë edhe disa punonjës të këtij turneu, një gazetar kroat dhe një shofer që shoqëronte tenistët.