Raportimet këtë pasdite pretendojnë se Juventus po kërkon të nënshkruajë me sulmuesin e Xhenoas Andrea Pinamontin dhe mbrojtësin e Romës Rikardo Kalafori. Xhenoa e bleu Pinamontin nga Interi në shkurt për 18 milion euro, por zikaltërit kanë opsionin e parë për 21 vjeçarin.
Sipas “Tuttosport” Juventus po përgatitet të marrë të dy lojtarët. Pinamonti do ishte një alternativë shumë më e lirë për sulmin sesa Milik që shihet si një ndër kandidatët kryesorë për të udhëhequr ofensivën bardhezi.
Juventus gjithashtu po negocion edhe për mbrojtësin e Romës Kalafori, i cili luan për të rinjtë e Romës.