Shpërthimi i pandemisë së Koronavirusit, ka ndryshuar shumë gjëra në mënyrën e jetesës së shumë njerëzve.
Pikërisht ky virus kishte një ndikim të madh edhe në sport, ku shumë aktivitete u pezulluan, për të filluar disa kohë më vonë, por këtë herë me rregulla të reja. Një nga këto sporte të prekura është edhe Formula 1.
Luis Hamilton ka fituar në çmimin e Austrisë ditën e sotme. Piloti britanik arriti i pari në finish duke lënë pas Botasin dhe Verstapenin.
Megjithatë ajo që ka tërhequr vëmendjen e të gjithëve dhe po bën xhiron në rrjetet sociale, është mënyra se si i jepet titulli pilotit britanik. Çmimi që fitoi Hamilton, I jepet atij me anë të një roboti i cili e dërgon atje ku ishte piloti.
