Anulimi i “Topit të Artë” për vitin 2020 ka krijuar polemika në rrjetet sociale dhe në to është përfshirë edhe pinjolli i familjes Anjeli, Lapo Elkan.
Ai ka marrë në mbrojtje Kristiano Ronaldon duke thumbuar Barcelonën dhe Lionel Mesin. “E dashur Barcelonë. ‘Topi i Artë’ duhet t’i jepet një kampioni të vërtetë, i cili është i aftë që të fitojë duke ndryshuar skuadër dhe jo duke ndenjur gjithmonë në të njëjtën.
Më mirë fokusohuni tek objektivat sesa shkruani budallallëqe në rrjetet sociale. Forca CR7″, ka shkruar Elkan.
Ky i fundit i referohej publikimit të Barcelonës, e cila thoshte që “Topi i Artë” nuk do të dorëzohej, por nuk ishte nevoja sepse tashmë e dinim cili ishte më i miri në botë duke iu referuar Mesit.
