Milot Rashica do të largohet nga Werder Bremen në verë, por rreth tij ka shumë zëra se ku mund të përfundojë. Agjenti i tij, Altin Lala, dhe sulmuesi ende nuk kanë zgjedhur se ku do të luajnë sezonin tjetër, ndërsa mediet shkruajnë bazuar në informacionet e tyre.
Telegraph bën me dije se Borussia Dortmundi ka hedhur sërish sytë drejt 24-vjeçarit. Rashica shihet si një zëvendësues ideal për largimin e mundshëm të Jadon Sanchos drejt Manchester United.
Verdhezinjtë e kanë kërkuar prej kohësh sulmuesin shqiptar, por më i avantazhuari ishte klubi i Leipzig. Mbetet për t’u parë se kush do të arrijë më parë te sulmuesi i Kosovës. Rashica nuk po nxitohet dhe po shqyrton të gjitha mundësitë që ka.