I ftuar në Inter TV, Antonio Conte ka folur për sfidën e së shtunës të Inter-it kundër Atalanta-s, një ndeshje që vlen vendin e dytë në renditje.
“Uroj që të jetë një ndeshje e bukur. Do të luhet hapur, pa llogari. Atalanta është një skuadër që është bërë një realitet i konsoliduar në Itali, duke parë ecurinë që ka pasur në vitet e fundit. Do të vuajmë, por objektivi është t’i bëjmë ata të vuajnë”, ka thënë Conte.
“Mbrojtja më e mirë kundër sulmit më të mirë? Mendoj gjithmonë se është e drejtë të ekzistojë një ekuilibër i mirë mes sulmit dhe mbrojtjes. Atalanta ka shënuar shumë gola, duke realizuar prej më shumë se 20 ndeshjesh radhazi”.
“Ne kemi mbrojtjen më të mirë dhe sulmin e dytë më të mirë. Do të jetë një sfidë brenda sfidës dhe shpresojmë të fitojmë”.
