Bolonja ka konfirmuar se trajneri Sinisa Mihajloviç ka rezultuar pozitiv me Covid-19. Situata për Mihajloviçin është serioze pasi ai bën pjesë në grupin e njerëzve më të rrezikuar, pasi serbi u diagnostikua me leuçemi në 2019.
Në një deklaratë nga klubi i Serisë A bëhet e ditur se Mihajloviç është asimptomatik dhe është karantinuar. Sipas protokollit të gjithë lojtarët dhe pjesëtarët e skuadrës së Bolonjës do i nënshtrohen testeve për koronavirusin. Klubi i Serisë A e njoftoi lajmin edhe në rrjetet sociale.
