Në një intervistë të dhënë për “Bt Sports”, Steven Gerrard, ish-kapiteni i Liverpool, ka folur për të ardhmen profesionale të mesfushorit të të kuqëve, Emre Can. Kontrata e futbollistit të përfaqësueses së Gjermanisë që aktivizohet në Premier League me Liverpool skadon në qershorin e ardhshëm, ndërkohë që është lakuar shumë në lidhje me një transferim të tij te kampionët në fuqi të Italisë, Juventus.
Pikërisht mbi këto aludime, ish-kapiteni legjendar i Liverpool dhe përfaqësueses së Anglisë, Gerrard deklaroi: “Mesfusha e Liverpool? Duhet pritur për të dhënë një gjykim, sepse Emre Can do të largohet, ndërsa Naby Keita do të mbërrijë në verë si numri 8 i ri”. Një konfirmim ky i qartë mbi të ardhmen e gjermanit, tashmë gjithmonë e më pranë veshjes së fanellës bardhezi.