Stipe Miocic, kampioni i botës në peshën e rëndë në artet marciale mikse, ka paralajmëruar Jon Jones, ish-kampionin e botës në peshën “light heavyweight” (pesha deri 93kg). Jones hoqi dorë nga titulli pak ditë më parë, pasi nuk është i kënaqur me pagesën nga UFC-ja dhe me rivalet e këtij Divizioni. Ndaj, ai synon të ngjitet në peshën e rëndë, ku do të kërkojë edhe aty të shpallet kampion bote.
Miocic, që pak ditë më parë mbrojti titullin ndaj Daniel Cormier, tha: “Mendoj se pesha e rëndë nuk ka për të qenë e lehtë për Jones. Këtu ne godasim fort dhe nuk është e njëjta teknikë si në “light heavyweight”. Këtu jemi trupmëdhenj dhe mjafton një grusht që të biesh KO. Gjithashtu, këtu kapjet janë të forta dhe kurr rrëzohesh ndonjëherë nuk ngrihesh më. Gjithçka është një makth”, tha Stipe Miocic.
