Leo Messi ka dëshirë të largohet nga Barcelona, por nuk do ta ketë aspak të lehtë të bindë katalanasit.
Në fakt, është shumë e vështirë të gjendet një skuadër në gjendje të shpenzojë shifrën e kërkuar nga Barça.
Një zgjidhje është ofruar me shaka nga Rakitic. Mesfushori kroat, i transferuar nga Barcelona te Sevilla, ka dhënë mendimin e tij:
“Sigurisht, këtu te Sevilla mund t’ia gjejmë një vend”.
Kroati, në vazhdim, ka folur edhe në lidhje me sfidën e Superkupës së Europës kundër Bayern Munich: “Duam ta fitojmë Superkupën. Me gjithë respektin për Bayern-in, them se edhe ne jemi të fortë dhe mund t’ia dalim”.