Luka Modric ka një simpati dhe respekt të madh për Lionel Messin, pavarësisht rivalitetit të madh mes Barcelonës dhe Real Madridit. Nënkampioni i botës tregoi “Fair Play” në momentin që i dorëzoi atij Topin e Artë.
“Ti e meritove, urime!”, – tha mesfushori dhe Messi ia ktheu në mënyrë të përzemërt urimin. Fjalët për largimin e argjentinasit normalisht kanë mbërritur në Madrid dhe disa nga titullarët e Zidane janë shprehur për diçka të tillë.
“Do të ishte një humbje shumë e madhe prestigji për La Liga-n në rast se Messi largohet”, – tha ai. Sulmuesi shtatshkurtër nuk e di ende të ardhmen e tij, ai dëshiron të largohet, por duket se do të mbetet peng i kontratës së tij.
