Lajmi i pozitivitetit me koronavirus i presidentit të Napolit, Aurelio de Laurentiis, ka vënë alarmin në Serinë A. Numri 1 i Napolit ka qenë dje i pranishëm në Asamblenë e Ligës së Serisë A të Futbollit, së bashku me 19 presidentët e tjerë.
Në këtë asamble nuk ka qenë e detyrueshme mbajtja e maskës, pasi ishte respektuar protokolli i distancimit social. Ndërkohë që, gjatë Asamblesë ka patur edhe takime “kokë më kokë”, ndaj është marrë vendimi që të gjithë presidentët e Serisë A të kryejnë tamponin.
Kjo është një masë e detyrueshme dhe të gjithë presidentët do të hyjnë që sot në karantinë deri në marrjen e përgjigjes së tamponit.
