Gara e radhës e botërorit 2020 në Formula 1 do të zhvillohet në pistën italiane të Mugello, që është edhe shtëpia e makinës Ferrari. Në këtë garë, makina e famshme italiane do të festojë garën e saj nr.1000 në Formula 1.
Natyrisht që ky sezon nuk është aspak i mbarë për Ferrari, që po kalon shumë probleme, por për këtë garë njëvendëshja italiane do të jetë speciale. “Kokëkuqja” e kësaj gare do të jetë një rikthim në të shkuarën, një makinë që i frymëzohet asaj të viteve ’50, kur debutonte në Formula 1.
Ngjyra e makinës nuk do të jetë e kuqe, por vishnje. Makina italiane është e vetmja në historinë e Formula 1 që ka marrë pjesë në të gjitha sezonet e garave të automobilizmit. Për këtë garë do të lejohen 2800 spektatorë, gara e parë me tifozë e këtij viti.
𝗢𝗡𝗘 𝗧𝗛𝗢𝗨𝗦𝗔𝗡𝗗 𝗚𝗥𝗔𝗡𝗗𝗦 𝗣𝗥𝗜𝗫
This weekend, we’re celebrating our 1000th race in #F1 at the picturesque Mugello Circuit ⛰
Cover Art by Patrizio Evangelisti 🎨 https://t.co/9du2jAVZuV#essereFerrari 🔴 #TuscanGP 🇮🇹 #SF1000GP 🏁 pic.twitter.com/hhdjDvzq46
— Scuderia Ferrari (@ScuderiaFerrari) September 9, 2020
