Interi po tenton të sjellë vitin e ardhshëm në Milano sulmuesin veteran të Mançester Sitit Serxho Kun Agueron. “Calciomercato” raporton se klubi zikaltër është i gatshëm ta paguajë futbollistin argjentinas 7-8 milionë euro në sezon.
Po sipas kësaj mediaje, drejtuesit e Interit i ofrojnë Agueros një kontratë dy-vjeçare me të drejtë rinovimi edhe për një vit tjetër.
Ai do të largohet nga “Qytetarët” pas përfundimit të këtij sezoni sipas kontratës. Në 9 vite si lojtar i Mançester Sitit, Aguero ka realizuar 254 gola dhe ka fituar 4 tituj kampion të Anglisë. Sezonin e fundit ai u penalizua prej dëmtimeve në gju dhe aktualisht ende nuk është rikuperuar.
