Ish-trajneri që shkroi historinë me Kombëtaren shqiptare, Xhani De Biazi, përfitoi nga prezenca në Shqipëri, me përfaqësuesen e Azerbajxhanit, për të vizituar ambientet e “Shtëpisë së Futbollit” në kryeqytet.
Tekniku italian mbeti i impresionuar dhe vlerësoi investimet e bëra në infrastrukturë. De Biazi e cilësoi “Shtëpinë e Futbollit” një projekt madhor, teksa nuk nguroi të bënte krahasime edhe me fillimet e tij në Shqipëri, duke u shprehur:
“Ky është projekt vërtetë madhor dhe mund të them se është bërë një punë e shkëlqyer. Kur e krahasoj me fillimet e mia në Shqipëri, ka një ndryshim shumë të madh dhe pozitiv veçanërisht në drejtim të infrastrukturës. Ndihem vërtetë mirë të shikoj këto investime dinjitoze”.